KABANKALAN CITY – Ginreklamo sang isa ka bantog nga fastfood sa siudad sang Kabankalan ang isa ka lalaki nga nagapangsipa kag nagapangtumba sang ila parking posts kag signages nga nagresulta sa pagpangdisturbo kag pagkahadlok sa staff kag customers sini nga Martes, Pebrero 28.
Nahibaluan nga ang nasambit nga lalaki amo ang ‘mentally challenged’ ukon may diperensya sa paminsaron kag nagka-episode ini sang ‘mania’.
Ang ‘mania’ ukon ‘manic episode’ amo ang tion kun diin nagataas ang energy ukon nagalain ang modo kag paggawi nga nagaresulta sa pagpangdisturbo para sa iban.
Nagpakig-angut ang Kabankalan City Police Station sa rescue unit sang siudad agud madala ang lalaki sa Bacolod Mental Health Center.
Nagapanawagan man ang Kabankalan CPS nga mas mangin maintiendihon kita sa mga kaangay sang nasambit nga lalaki imbes nga ikondenar ang mga ini.
“Mental health is just as important as physical health. We need to begin by empathizing and loving those who we don’t fully understand and needs to treat them as humane as we can especially when they are having meltdowns or even post as a threat, they needs to be handled accordingly with emphasis that they need medical attention & instead of instigating further violence,” pahayag sang Kabankalan CPS.
