BACOLOD CITY–Ginkumpirmar ni PMAJ Richie Gohee sang Bacolod Police Station 4 nga ang ginluthang-patay nga si Bryan Diaz ang nakaagi priso kag may kaso nga 2 counts of sexual assault matapos sini ginhimuslan ang anak sang iya live-in partner sa 2019.
Nahibaluan man nga si Bryan Diaz ang pakaisa sang gin buy-bust sa Silay nga nag-trending matapos ini naghublas sa video.
Gindula man sang kapulisan ang anggulo sang iligal nga droga sa pagluthang-patay sa biktima bangud base sa ila nga pag-monitor, wala man sang record ang biktima kag wala nadala sa drug watchlist.
Nahibaluan nga si Brian Diaz ang apat na ka bulan nga nagatinir sa Brgy. Estefania kaupod ang iya ka live-in partner nga si Dolores.
Gindugang pa ni Gohee nga si Dolores ang may negosyo bilang broker sang balay kag may pwesto sa 888.
Si Brian kag si Dolores ang may anak nga lalaki samtang si Dolores ang may anak naman sa iya una nga bana nga babaye nga amo ang ginhimuslan ni Brian.
Nag-file sang annulment ang bana ni Dolores sang naga-upod sila ni Brian sa Brgy. Estefania.
Sang nahibaluan sang bana nga gintandog ni Brian ang anak nila ni Dolores nga babaye, ginkuha niya ini kag gindala sa Iloilo.
Matandaan nga sang Biyernes sang gab-e, Nobyembre 11, si Brian ang yara sa guwa sang boarding house kag nagahampang sa iya cellphone sang may nagpalapit nga lalaki nga nagasakay sa motorsiklo kag hinali ini nga gintiro sa ulo.
Sa karon, wala pa sang lead ang mga kapulisan kung sin-o ang nagluthang sa biktima bangud base sa mga witnesses, wala nila nakita ang itsura sang gunman.
Wala naman sang plano ang pamilya nga ipaidalom sa autopsy ang bangkay sang biktima.
