Ginbuno ang isa ka 54-anyos nga lalaki matapos iya ginsumbag ang kainuman nga nagalalis sa iya tiyo.
Nagluntad ang insidente sa Sitio Bat-os, Barangay Zone 11 sa syudad sang Talisay, Negros Occidental, takna las 3:50 sang hapon, Domingo, Marso 26.
Ginkilala ang biktima kay Leo Cabarles, residente sang nasambit nga barangay, sandig sa spot report sang Negros Occidental Police Provincial Office.
Gindala sa Teresita Jalandoni Provincial Hospital sa syudad sang Silay si Cabarles.
Samtang ang suspek ang ginkilala kay Romeo Escubido, 56-anyos, pumuluyo sang kapareho nga barangay.
Base sa imbestigasyon sang kapulisan, naga-inom-inom sanday Cabarles kag Escubido. Apang nagbaisay si Escubido kag ang tiyo ni Cabarles nga ginkilala kay Enrique Tajanlangit.
