SAGAY, NEGROS OCCIDENTAL– Pilason nga gindala sa ospital ang isa ka lalaki matapos ginbuno sa Aguilar Subdivision, Barangay Poblacion 1, Sagay City, Negros Occidental kagab-i, Abril 23, 2023.
Ginkilala ang biktima kay Cerilito Bascon alias “Jake”, 54-anyos apang ang suspek ang ginkilala kay Francis Miñosa, 43-anyos, may asawa, lunsay mga residente sang nasambit nga lugar.
Suno sa report, paga-utdon kuntani sang suspek ang internet connection sang biktima apang ini ang gintunaan sang wala pag-intyendihanay sang duha kag ginbuno ni Francis si Cerilito.
May igo ang biktima sa idalom sang tiyan kag gindala sa Alfredo Marañon District Memorial Hospital.
Nakahunong naman ang suspek sa Sagay City Police Station.*