LALAKI NGA SUBJECT SANG BUYBUST OPERATION NATIRUHAN MATAPOS MAGBATO SA MGA OTORIDAD

BACOLOD CITY—Padayon karon nga ginbulong sa ospital ang isa ka lalaki nga subject sang buybust operation matapos ini nga matiruhan bangud nga ginapahayag nagbato sa mga kapulisan.

Ang operasyon ang ginpatigayon sang mga katapo sang Regional Drug Enforcement Unit (RDEU) sa Prk Sunshine,Brgy. 36 Bacolod City ala-1:30 subong gid lamang nga hapon batok kay Sian Christian Dequiña.

Nakuha sa posesyon sini ang siyam ka elongated transparent plastic sachets sang suspected shabu, apat ka dalagko nga sachets sang suspected shabu, P1000 nga buybust money, is aka 38 kalibre nga armas luthang, isa ka cellphone nga color white kag black eye glass pouch.

Ginabanta nagabalor sang P136,000 ang iligal nga druga nga nakumpiskar sang mga otoridad kay Dequiña.