Bacolod City, Negros Occidental-Halos 5 na ka oras nga wala na sang kabuhi ang 33 anyos nga lalaki matapos ini naghikog sa San Pedro St. Purok Sebastian, Brgy. Sum-ag.
Base sa inisyal nga imbestigasyon pinaagi sa live interview kay Lt. Jonito Pastrana, hepe sang Station 9, nga mga takna alas 10:30 tubtob las 11 sang gab-e sang nagsugod lalisay ang biktima kag iya asawa angot sa bisyo sini sa iligal nga droga.
Luyag kuntani sang iya asawa nga mag-untat na sa bisyo apang ini ang gin-kaakig sang biktima kag naglayas sa ila balay.
Gina-ekspektar sang asawa nga nagtulog lang ini sa mga kakilala niya apang nakibot nalang ang iya asawa sang nakita ini nga nakahigot na sa puno sang lubi gamit ang kalat.
Sa karon padayon pa ang imbestigasyon sang mga kapulisan angot sa nasambit nga paghikog sang biktima.
