Ginpromisahan ang 74 anyos nga lola sang kasal kag P2 million sang isa ka nagpakilala retirado nga heneral sang US Army.
Sa pagsaysay ni Lola Aida Real, ginsiling niya nga nakasaad sa iya social media nga isa siya ka balo nga may negosyo.
“Kahit English carabao naintindihan niya eh. Meron akong maliit na business sabi ko. Pero sapat lang para sumuporta sa anak ko.”
Suno sa National Bureau of Investigation (NBI), “gold sa mata” sang mga love scammer ang profile ni Lola Aida.
“Ipo-profile ka muna nila. Unang-una, tinitingnan nila ‘yung financial capability mo. Anong financial background ng family mo? At the same time, nag-iisa ka ba?” suno kay Vic Lorenzo, hepe sang NBI Cybercrime Unit.
Bilang kabahin sang modus, ginhambalan sang online lover ni Lola Aida nga padalhan siya sang dollars.
Suno kay Lola Aida, naglab-ot sa P2 million ang ginpadala sang iya love scammer kag nagpahayag pa ini sang tuyo niya nga magkadto sa Pilipinas agud pakaslan siya.
Apang ginapabayad si Lola Aida sang processing fee nga P200,000 agud makuha ang ginpadala nga P2 million.
Maswerte na lamang si Lola Aida nga nakabugtaw na ini sa “online gayuma”.
