Lolo, pilason matapos ginbuno sang iya kaupod sa inom sa Capiz

Pilason ang isa ka senior citizen matapos ginbuno sang iya kaupod sa inom sa Barangay Consolacion, banwa sang Dumalag, probinsya sang Capiz.

Ginkilala ang senior citizens kay alyas “Pilo”, 71-anyos samtang ginkilala naman ang suspek kay alyas Eddie, 55-anyos.

Base sa inisyal nga imbestigasyon sang Dumalag Municipal Police Station, naga inom-inom ang biktima kag suspek sang magluntad ang wala pag-inchindihanay sa tunga sang duha.

Bangud sa kaakig, ginbuno sang suspek ang biktima nga nag-igo sa iya nga tiyan kag kamot rason nga gindala ini sa ospital agud mahatagan sang medikal nga atensyon.

Nakahunong karon sa kustodiya sang Dumalag MPS ang suspek para sa nagakaigo nga disposisyon.*