LOTE NGA GINDONAR SANG PAMILYA BANTUG PARA SA PAGPATINDOG SANG POLICE STATION 5 SA BARANGAY GRANADA, PADAYON PA NGA GINAPROSESO!

Bacolod City, Negros Occidental-Ginahulat pa sa karon ang pagpasaylo sa pangalan sang PNP sa 500 sq. meters nga lote nga gindonar sang pamilya Bantug sa Barangay Granada agud patindugan sang building sang Police Station 5.

Ginpalayag ni Police Colonel Manuel Placido, City Director sang Bacolod City Police Office nga napirmahan na ang donasyon kag ginaproseso pa kung pila ang “appropriate” fund para sa konstraksyon sang nasambit nga building.

Gindugang pa ni Police Col. Placido nga magluwas sa Barangay Granada, may naga-offer man sang lote sa Brgy. Cabug para sa Police Station 9 kag sa Barangay Sum-ag.