Gintumod sang mga eksperto ang impeksyon sa baga, bilang isa sa mga pinakadaku nga rason kon nga-a madamu sang mga kabataan sa bilog nga kalibutan ang nagakalamatay.
Sa Pilipinas, nagapabilin naman ang “pneumonia” bilang nagapanguna nga rason sa pagkalamatay sang mga tawo.
Base sa preliminary data gikan sa Philippine Statistics Authority sang Agosto tuig 2022, ika anum sa ranking ang pneumonia, nga nalakip sa top 10 causes of mortality sa Pilipinas.
Base sa record, ini ang gintunaan sa pagkalamatay sang 13,536 ka mga indibidwal sa pungsod.
Suno sa World Health Organization (WHO), ang pneumonia isa ka acute respiratory infection nga naga apekto sa baga.
Kon ang isa ka indibidwal positibo sa pneumonia, ang alveoli okon ang magagmay nga “sacs” sa baga, puno sang nana kag fluid, rason kon nga a masakit ang pag ginhawa kag limitado ang pagsulod sang oxygen.
