BACOLOD CITY– Ginpahayag ni Governor Eugenio Jose Lacson nga pirmi niya nagakabatunan nga report amo ang mahal nga presyo sang mga balaklon lakip na ang pagkaon nga ginabaligya sa Panaad Park and Stadium kada Panaad sa Negros Festival.
Apang suno kay Gov. Lacson normal lang ini nga nagakatabo bangud sa pagsaka sang inflation rate sa pungsod ukon pagmahal sa presyo sang halos tanan nga mga baligya.
Dugang pa sang Gobernador, may panaad man ukon wala, nagasaka gihapon ang presyo sang tanan.
Pahayag pa ni Lacson, apisar nga nagmahal ang mga presyo, madamo sa gihapon sang mga pumuluyo kag dumulu-ong ang nagabakal para mangin masinadyahon ang kapistahan.
Isa sa nagapamatuod amo ang madamo nga mga tawo ang nagabinakal kag makita man ini sa kabilugan nga sales sang panaad nga nagdangat sa masobra P23 milyones.*
