Malacañang kag Bong Go, Naghatag Bulig sa mga Nasunogan sa Singcang-Airport

Naghatag sang bulig ang Malacañang kag si Senator Christopher Lawrence “Bong” Go sa mga biktima sang sunog sa Purok Neptune, Barangay Singcang-Airport sa ciudad sang Bacolod, Miyerkules nga adlaw, Mayo 5.

Ang Office of the President naghatag sang P2,000 sa tagsa ka apektado nga pamilya kag mga grocery packs kasubong sang frozen food, vitamins, face masks kag face shields.

Samtang, naghatag naman sang P5,000 ang opisina ni Go sa tagsa ka apektado nga pamilya.

Nagraffle man sila sang rubber shoes, tablets kag mountain bikes sa mga nasunogan.

May 55 ka balay nga gina-istaran sang 61 ka mga pamilya ukon 235 ka mga indibidwal ang gintupok sang kalayo sang Abril 26.*