Nagapabilin nga pinakapigado nga sektor sa bilog nga Pilipinas ang mga mangingisda kag mangunguma base sa datus sang Philippine Statistics Authority (PSA).
Base sa PSA’s 2021 poverty statistics nga gin-release sang Biyernes, Marso 24, ang mga mangingisda ang nagdangat sa 30.6% humalin 26.2%.
Sa pihak nga bahin nagnubo naman ang poverty incidence rate sang mga mangunguma humalin sa 31.6% sa 30%.
“These sectors had the highest proportion of individuals belonging to families with income below the official poverty thresholds compared to the other basic sectors,” suno sa PSA.
Dugang pa sa record sang PSA, ang duha ka sektor ang pinakapigado man sadtong mga tuig 2015 kag 2018.
Wala pa nakapaguwa sang statement ang Department of Agriculture may angut diri.*
