Ginbuno sa dughan kag ginbawian sang kabuhi ang 32 anyos nga science teacher sa banwa sang Basey, probinsya sang Samar.
Base sa imbestigasyon sang kapulisan, mismo ang 19 anyos nga estudyante sang manunudlo ang responsable sa kremin.
Antis ang insidente, nag inupdanay pa ang biktima kag suspek sa sulod sang kuarto sa boarding house mismo sang biktima.
Nagluntad ang pagbina-isay sa tunga sang manunudlo kag estudyante, nga nagresulta sa pagbuno sang 19 anyos sa 32 anyos nga manunudlo.
Gindala pa sa Basey District Hospital ang biktima apang ginbawian sang kabuhi.
Matapos ang insidente, gilayon man nga nag surrender sa Basey PNP ang senior high student nga si Kurt Lancanan.
Ginkilala naman sang kapulisan ang biktima bilang si George Lauron sang Basey National High School.
