Nagdangat sa sa P108,800 ang balor sang iligal nga druga nga nakumpiskar sang Silay City Police Station sa ila duha ka separado nga operasyon sa siudad sang Silay tinalikdan nga Agosto 14, 2020.
Ginakasar ang una nga operasyon alas-11:15 sang aga sa Bangga PLDT Brgy. Mambulac Silay City sa diin nadakpan ang duha ka mga street level targets nga ginkilala kanday Darius Imperial, 48 anyos kag Perlito Delegero, 31-anyos kag lunsay mga residente sang Brgy. Mambulac sa nasambit nga siudad.
Nakuha sa paghinakop sang mga ini ang pito ka medium sachets sang suspected shabu lakip na ang buybust item nga ginabanta nagabug-at sang 9 grams kag nagabalor sang P61, 200.00, P3,500 nga buybust money, kag isa ka unit sang Caliber. 38 Revolver.
Samtang natigayon man nga madakpan sa ikaduha nga operasyon sang mga kapulisan nga ginpatigayon sa Sitio Golf Brgy. Guinhalaran Silay City ang isa pa ka street level individual nga ginkilala kay Jonathan Figueroa, 46-anyos kag residente man sang Brgy. Mambulac sa siudad sang Silay.
Nakuhaan naman ini sang pito ka medium sachets sang suspected shabu nga ginabanta nagabug-at sang 7 grams kag nagabalor sang P47, 600.00, kag P3,000.00 nga buybust money.
Sa karon ang tatlo ang nagapabilin sa Silay City Police Station sa nagakaigo nga disposisyon.
