Negatibo sa Covid-19 ang masobra 300 ka mga estudyante nga nagmasakit sa Negros Occidental High School (NOHS) matapos ginpaidalom ang mga ini sa swab test.
Suno kay Shiela Blancia, Medical Officer III sang NOHS nga kalaban sa ginabatyag sang mga estudyante amo ang trangkaso rason kun ngaa halos tanan ang nagdululungan nga nagmasakit.
Dugang pa ni Blancia, ginatan-aw nga rason sa madasig nga paglapta sang masakit amo ang pagsulod sang mga estudyante nga mataas ang hilanat nga wala nadapatan sang bulong.
Pahayag pa ni Blancia nga ang nagamasakit nga mga estudyante ang gilayon nga ginadala sa clinic agud ma-checkup kag mahatagan sang bulong.
Ginapasuksok man nila sang facemask ang mga kabataan nga naga-ubo sa sulod sang classroom, apang ang malain ang pamatyag ang ila na ginapapauli agud indi na maglala ang pamatyag kag indi malatnan ang iban pa nga mga estudyante.
Sa karon, nagakulang ang NOHS sa bulong kag facemask para sa mga nagamasakit nga estudyante apang suno kay Blancia nga bukas ang ila nga talapatan para sa donasyon.*
