Rehistrado na ang masobra 300 ka mga persons deprived of liberty (PDL) sang Manila City Jail bilang handa sa pala-abuton nga Barangay kag Sangguniang Kabataan Elections.
Ang nasambit nga pagparehistro sa Manila City Jail ang yara na sa ika-duha nga semana kun sa diin mga miyembro sang Commission on Elections (COMELEC) ang nagbulig sa ila.
Suno kay Bureau of Jail Management and Penology (BJMP) spokesman JCInsp. Jayrex Bustinera, ginahatagan man sang oportunidad ang mga preso nga makaboto kag makapili sang lider nga luyag nila magdaug.
Dugang pa ni Bustinera, nagdangat na sa 66,000 ka mga preso ang nakaparehistro sa COMELEC apang yara naman sa 127,000 ka mga preso ang iga-tinguhaan sang COMELEC nga ipa-rehistro.
Gina-agda liwat sang BJMP ang tanan nga mga preso nga magparehistro na agud maka-boto sa maabot nga BSKE.*
