“Sold out” na ang masobra 500,000 ka mga tickets sa ika-9 nga edisyon sang FIFA Women’s World Cup nga matabo sa bulan sang Hulyo kag Agosto nga pagahiwaton sa mga pungsod sang Australia kag New Zealand.
Gin-anunsyo sang FIFA subong nga adlaw, Martes, Enero 17, nga kapin 120 ka mga pungsod ang nagbakal sang tickets sa Finals match nga matabo sa Agosto 20 sa Stadium Australia sa Sydney.
Pagahiwaton naman ang opening match sa Hulyo 20 sa Eden Park sa Auckland, New Zealand.
Isa naman ka maragtas sa pungsod Pilipinas bangud ini ang una nga ti-on sang pungsod nga mangin kabahin ang Women’s Football Team sa nasambit nga torneyo.
Apisar sang pungsod, ini man ang una nga ti-on sang mga pungsod Morocco, Zambia, Vietnam kag Republic of Ireland nga makigbahin sa nasambit nga liga.*
