MASOBRA 60K BALOR SANG SHABU GINPALAMAN SA ENSAYMADA KAG CUP NOODLES NAKUMPISKA

Arestado ang isa ka lalaki nga nagbisita sa iya mga abyan nga preso matapos tuyo kuntani nga magpasulod sang ilegal nga droga sa provincial jail sang Iba, Zambales.

Balik sa presohan ang suspek nga ginkilala kay Josef Caldijon nga base sa record sang kapulisan, nakaagi na preso apat katuig na ang nakaligad bangud man sa kaso may kaangtanan sa ilegal nga droga.

Nadakpan si Caldijon sang gin-inspeksiyon sang jail guard ang dala niya nga pagkaon para sa iya mga abyan nga preso.

Nangin protocol na nga inspeksiyunon sang mga jail guard ang mga dala nga pagkaon sang mga nagabisita sa mga inmate ukon person deprived of liberty.