BACOLOD CITY– Arestado ang isa ka lalaki sa ginpatigayon nga buy-bust operation sa Purok Neptune, Barangay Singcang-Airport, Bacolod City takna la-1:25 sang kaagahon kahapon, Enero 15, 2023.
Ginkilala ang suspek nga si Celso Alvarez alias “Toto”, 43-anyos kag residente sang nasambit nga lugar.
Si Alvarez ang isa ka Street Level Individual, single kag wala sang obra.
Nakumpiskar sa suspek ang walo ka sachets sang ginapatihan shabu nga nagabug-at sang 16 ka gramos kag nagabalor Php108,800.00, Php500.00 marked money, sling bag kag Php150.00 cash.
Nakahunong karon ang suspek sa Police Station 8 kag magapangatubang sa nagakaangay nga kaso bangud naglapas ini sa Republic Act 9165 ukon Comprehensive Dangerous Drugs Act of 2002.*