Ginturnover sa mga mangunguma sa Kabankalan ang Tagukon Agricultural Tramline Project sa Sitio Minaluha, Barangay Tagukon sa syudad sang Kabankalan, Negros Occidental.
Nagatuyo ini nga tramline nga mabuhinan ang travel time sap ag-haul sang mga produkto halin sa farm source kag mapasanyog ang agricultural productivity kag income sang mga lokal nga mangunguma.
Nagabalor P2,026,251 ang proyekto nga may yara sang duha ka tore, landing pads, waiting shed, engine room, carriage, pulleys kag cables.
Makaya sini ang 350 kg nga kabug-aton sang karga kag duha lang ka minutos kag 20 segundos ang kada tramline trip halin sa tower A padulong B nga may distansya nga 320 m.
Ang Minaluha Diversified Farmers Association (MIDIFA) kag Bagacay Diversified Farmers Association (BADIFA) ang mga mayor nga benepisyaryo sang proyekto.
Nalakip sa mga gina-haul nga produkto amo ang mais, saging, lubi, prutas, utanon kag iban pa nga mga high value crops.*
