MGA ASYMPTOMATIC KAG MAY MILD CASES SANG COVID-19 DAPAT MAHATAGAN SANG SAP

Luyag ni House Senior Minority Leader kag Iloilo Rep. Janette Garin nga mahatagan sang social amelioration ang mga asymptomatic kag mild symptomatic COVID-19 cases.

Suno kay Garin, indi maka-obra ang mga ini bangod naka-quarantine kag dako ang bulig kung ilakip ang mga asymptomatic kag mild cases sa mahatagan sang financial aid sang gobyerno.

P5,000 tubtob P8,000 nga ayuda ang igahatag sang kongresista sa mga asymptomatic kag mild cases agud may magastos sa pamilya samtang yara sa isolation.

Samtang, suportado sang kongresista ang implementasyon sang MECQ apang indi pa giyapon solusyon ang pagpaidalom sa mga lugar sa hugot nga community quarantine para mapanubo ang kaso sang COVID-19.