Mga biktima sang linog sa Abra, makabaton sang bulig pinansyal gikan sa DSWD

Bacolod City – Gina-preparar na sa karon sang Department of Social Welfare and Development (DSWD) ang balor P10 million nga budget para sa mga biktima nga naapektuhan sang linog sa Abra.

Makabaton sang tig-P10,000 ang mga residente nga nagub-an sang panimalay, samtang P5,000 naman para sa mga residente nga “partially-damaged” ang mga balay.

Suno kay DSWD Cordillera Director Arnel Garcia, ila nalang ginahulat ang mando ni Secretary Erwin Tulfo antis mapanagtag ang nasambit nga bulig.