Mga Displaced Nga OFWs Halin sa San Carlos City Kag Calatrava, Nakabaton sang Bulig Pinansyal

Nakabaton sang P5,000 kada isa ang 21 ka mga OFWs nga nadulaan sang obra halin sa ciudad sang San Carlos kag banwa sang Calatrava sa Negros Occidental, sini nga aga, Mayo 11, 2021.

Ang mga OFWs nga benepisyaryo ang kabahin sang mga recipients sang Gender Responsive Intervention to COVID-19 kag New Normal Project sang Provincial Government, nga ginpainan sang pundo paagi sa Provincial Gender and Development nga budget.

Ginabulubanta 200 ka mga displaced OFWs ang gin-identify bilang mga benepisyaryo sang programa para sa tuig 2020 kag 2021.

Una na nga nakabaton ang mga OFWs halin sa ciudad sang Victorias kag Talisay, kag mga banwa sang E.B. Magalona, Valladolid kag Murcia.*