Mga Mongha sa templo nagpositibo sa shabu

Nagpositibo sa drug test ang mga mongha sa Buddhist temple sa central Thailand gani wala na sang nabilin nga naga serbisyo sa templo.

Kalakip sa nagpositibo sa methamphetamine amo ang “abbot” okon head sang monasteryo.

Ginpadala sa health clinic ang mga “monk” agud nga ipaidalum sa rehabilitation.

Bangud sini, nagkabalaka ang mga residente nga malapit sa templo bangud wala na sang magatipon sang donasyon.

Suno sa United Nations Office on Drugs and Crime, nagabaha ang iligal nga druga sa Thailand nga nagikan pa sa Myanmar.

Sa mga kilid sang dalan, mabakal ang iligal nga druga sa presyo nga $0.50 lamang okon mas manubo sa 30 pesos kada “pill” okon tableta.*