Padayon sa karon ang pagpauli sang mga Overseas Filipino Workers (OFW) sa Bacolod City.
Suno kay Councilor Israel Salanga, base sa guidelines sang National IATF nga ila ginasugat sa Bacolod-Silay Airport ang mga OFWs kag strikto nga ginasekyar ang tagsa-tagsa ka dokumento kaangay sang Quarantine Certificate, RT-PCR test results nga dapat negatibo kag iban pa.
Door-to-door man ang pagdul-ong sang lokal nga gobyerno sa mga OFWs apang may iban nga ginapahanugutan nga magpasugat sa ila mga pamilya.
Madumduman nga nagpaguwa sang bag-o nga guidelines ang National IATF nga ang mga negatibo nga OFWs nga magapauli ang indi na pagpaidalom sa kwarantina.
Bangod diri, sila ang magapaidalom nalang sa home quarantine sa ila tagsa-tagsa ka puluy-an samtang ginamonitor sang mga opisyales sang kada barangay.
Sa piyak nga bahin, nagsinapol kahapon nga adlaw ang mga gobernador sa Westerv Visayas angot sa pag-apelar sa National IATF nga hatagan pagtamod ang ila ginahangyo angot sa pagpapauli sang mga OFWs.
