Liwat nga nag “function” ang mga organs sang mga patay nga baboy sa pungsod France, matapos nga nagdaloy sa ila mga ugat ang “synthetic hemoglobin”.
Gingamit sang mga scientist ang “anesthesia” agud ma “heart attack” ang mga baboy kag mag untat ang pagdaloy sang dugo sa lawas sang nasambit nga mga sapat.
Nabawian sang kabuhi ang mga baboy kag pagkalipas sang pila ka oras, ginhatagan ini sang likido (liquid), nga may dugo kag synthetic hemoglobin okon protina sa red blood cells, nga nagadala sang oxygen kag mga medisina nga nagapa untat sang “blood clot”.
Liwat nga nagdaloy ang dugo sa patay nga lawas sang baboy kag madamu sang mga “cells” sa lawas sang sapat nga liwat nabuhi, kalakip na diri ang mga cells sa korason, atay kag kidneys.
Nagiho man sang baboy ang ila nga ulo kag li-og, apang wala na sila sang “brain activity”.
Nagalaum ang mga eksperto nga makabulig sa pagbalik sang kabuhi sang tawo ang ila bag-o nadiskubrihan.
