Posible nga ma-usmod ang duta sa Boracay kag maapektuhan ang mga buildings.
Ginkumpirmar sang Mines and Geosciences Bureau sa Region VI (MGB-6) nga nadiskubrihan ang masobra sa 800 ka mga “sinkholes” sa isla gani dapat nga maghalong ang mga turista kag mga residente sa lugar.
Suno kay Engineer Mae Magarzo, pinuno sang MGB-6, panahon lamang ang makasiling kon san-o matabu ang pagka-usmod sang duta sa isla sang Boracay.
Ginpalayag sang opisyal, nga nagalapta ang sinkholes sa tatlo ka mga barangay sa isla.
Nagatuhaw ang sinkholes okon mga buho sa duta kon wala na sang nagasuporta sa idalum, bangud sang mga linog okon bangud sang pagpanaug sang tubig sa duta.
“Limestone” ang kabilugan nga isla sang Boracay, nga amat amat nga nagakatunaw kon makaangkon sang contact sa acid okon acid rain.
“Kung sobrang bigat ng structure, nag-a-add ng weight, plus the fact na natutunaw ‘yung ilalim. Only time can tell [kung kailan siya guguho]. Ang chemical composition ng limestone is calcium carbonate. When it comes in contact with acid, unti-unti siyang matutunaw. Basta may water, lalo na acid rain… That is why we want the carrying capacity of Boracay observed. As you could see in our geo-hazard map, almost all of the island is highly susceptible,” suno kay Engr. Mae Magarzo, hepe sang MGB 6.*
