Miyembro sang PCG kag lima pa, arestado sa buy-bust sa Laguna

LAGUNA– Arestado ang ginakabig nga miyembro sang Philippine Coast Guard kag lima pa sa ginpatigayon nga buy-bust operation sa San Pedro, Laguna.

Suno sa kapulisan sang San Pedro, tatlo sa anum ka gin-aresto ang ginakabig nga high value individual lakip na ang 27-anyos nga miyembro sang PCG.

Nakuha sa mga suspek ang mga pakete sang “shabu” nga may kabug-aton sang 150 ka gramos kag nagabalor sang masobra P1,000,000.

Magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002 ang mga suspek.*