MOTOR VS MOTOR | 2 Pilason Matapos Mag Sag-idanay Ang Mga Gina Maneho Nga Motor Sa Hinigaran

RBSFM NEWSCENTER – Duha ang pilason matapos mag sag-idanay ang mga gina maneho nga motor pasado las 8:00 kaina sang aga sa Barangay Gargato, Hinigaran. Ang mga biktima ang gin kialal nga sanday MARVIN SUANQUE, 55 anyos, kag JEFFREY GALLEGO, lunsay mga residente sang banwa sang Hinigaran.

Suno sa report, naga sugata-ay ang duha ka mga motor sang sila ang mag sag-danay kag nagkala tumba. Puno sang gasgas ang kalawasan ni Suanque, samtang pilas naman sa ulo ang naangkon ni Gallego. Lunsay gin pang dala ang mga biktima sa hospital kag yara man sa karon sa maayo nga kahimtangan.

(picture credits to Isaiah Miguel)