Motorcycle barrier indi na kinahanglanon para sa mga riders nga nagapuyo sa isa lamang ka balay sa mga lugar nga yara sa idalom sang general community quarantine (GCQ) umpisa buwas nga adlaw Agosto 19, 2020 suno sa National Task Force for COVID-19.
TANDAAN ANG PILA KA MGA PAGSULUNDAN MGA KABANDERA!
Suno sa Joint Task Force COVID Shield, gin-aprubahan sang national task force for COVID-19 ang nasambit nga pagsulundan kaupod sa iban pa nga measures bilang protocol sa motorcycle backriding.
📌Sa mga lugar sa idalom sang GCQ, ang mga riders nga WALA naga-upod ukon nagapuyo sa isa lamang kabalay ang dapat may yara sang Angkas designed barrier.
Sa mga riders naman, ang backrider ang dapat nga APOR ukon authorized person outside of residence, samtang ang driver ang mahimo naman nga indi APOR.
Dapat pareho nga nakasuksok sang face mask and full-face helmet. Kag ang motorsiklo ang dapat ila mismo ginapanag-iyahan.
📌Sa mga lugar naman sa idalom sang modified general community quarantine, ang local government units ang may yara sang option nga magpatuman sang nasambit nga guidelines base sa sitwasyon sang ila nga lugar.
