Wala na sang narekord nga aktibo nga kaso sang COVID-19 ang Cauayan.
Apang, sa karon 1 nalang ang narekord nga nagpositibo sa COVID-19 kahapon nga adlaw nga sa karon naka isolate na suno kay Mayor John Rey Tabujara sa exclusive interview sang Radyo Bandera.
Naghatag naman sang bulig ang lokal nga gobyerno sa pamilya sang pasyente nga ginpaidalom sa home quarantine.
Samtang, gindugang pa ni Mayor Tabujara nga ang commercial complex sang Cauayan ang ginhimo nga quarantine facility.
Nagbalik naman sa normal ang biyahe sang mga traysikol samtang gina-obserbar giyapon ang social distancing kag pagsoksok sang facemask.
Sa piyak nga bahin, nagsaylo na ang mga vendors sa bag-o nga merkado sang Cauayan apang temporaryo anay nga ginsuspender ang pagpadulong sang mga bolante agud malikawan ang paglapta sang virus.
Suno pa kay Mayor Tabujara nga sa mga luyag magpadulong sa Cauayan, kinahanglan magdala sang medical certificate kag ID parehas man sa requirements sang mga taga-Cauayan nga naga-obra sa syudad sang Bacolod.
