Nasamaran bangud sang palupok nadugangan; kaso nagsaka na sa 36

Nadugangan pa gid sang apat ang kadamuon sang mga nasamaran bangud sang firecracker okon palupok sa Pilipinas, samtang nagahilapit ang bag-ong tuig.

Suno sa Department of Health (DOH), nagsaka na sa 36 ang kadamuon sang mga nagkalasamaran bangud sang palupok, matapos nga nadugangan sang apat ang kaso.

Base sa record, mas mataas ini sang 44 porsyento kumparar sa kadamuon sang mga nagkalasamaran sang tinalikdan nga tuig.

Sa karon, preparado na ang mga ospital sang DOH kag may special team na nga magatatap sa mga biktima sang firecrackers.*