Nagapamalabag ang mga negosyante sa ciudad sang Bacolod sa posible nga pagbalik sang quarantine status sang ciudad sa Enhanced Community Quarantine ukon ECQ.
Sa ginpadala nga sulat ni Edgar Sy Presidente sang Bacolod Filipino-Chinese Chamber of Commerce and Industry Inc. kag sang mga kaupdanan sini ila sini ginhambal nga daku ang epekto sa negosyo kag pangabuy-an sang tawo ang pagbalik sang ECQ sa ciudad.
Maathag man nga ginpat-pat sang grupo sang organisasyon nga naga serado ang mga negosyo kag madamu sang mga pumuluyo ang madulaan sang trabaho kung madayon ang pagpatuman sang ECQ sa ciudad.
Ila sini nga ginpahayag nga indi sabat ang ECQ agud madisiplina kag matapna ang pagplapta sang virus sa ciudad, nagakadapat suno sa organisasyon nga ipatuman ang mas istrikto nga health safety protocol sa mga pumuluyo.
Pila sa mga ginhambal sang negosyante amo ang paghatag sang malip-ot nga oras sang curfew, pag ban sang makahulubog nga ilimnon agd malimitahan ang hulag sang tawo.
