13 tanan ka mga persona ang nabawian sang kabuhi, matapos nga ginlamon sang kalayo ang night club nga puno sang tawo sa Kostroma, nga may kalayuon nga 300 km northeast sang Moscow sa pungsod Russia.
Nagluntad ang insidente las 2:30 sang kaagahon, Sabado nga adlaw, Nobyembre 5.
Isa ka 23 anyos nga lalaki ang naaresto bangud sang pag-gamit sang “flare gun” nga gintunaan sang pagtuhaw sang kalayo.
Sang masunog na ang kesame sang bar, nga may restaurant kag dance floor, nagdinaguso na pag-gwa sa lugar ang mga pumuluyo.
Nagtinikludanay man ang mga yara sa night club kag nagpanic sang makit-an ang madamul nga asu sa lugar.
Nabatian man ang pag sininggit sang mga tawo sa sulod sang club samtang nagadaku na ang kalayo.
250 ka mga persona ang nasalbar sa building, apang nabawian sang kabuhi ang 13 ka mga indibidwal sa lugar.