Matapos ang 30 anyos nga pagpanago sa mga otoridad, nadakpan na sa probinsya sang Laguna ang ginakabig “most wanted” sa probinsya sang Antique.
Base sa record sang kapulisan, imbolbado sa kaso nga pagpatay sa pulis kag 11 ka mga sibilyan si Diosdado Estelloso Belario, nga ginakabig anay miyembro sang New People’s Army okon NPA.
Siya ang nagapanago sa banwa sang Sta. Rosa kag nangin wanted sa kapulisan humalin sang tuig 1990.
Nagagamit sang alyas nga Ka Langgo okon Ka David ang 48 anyos nga suspek kag naaresto sang tungang gab-i sang Mayo 18, sang tingub nga pwersa sang Sta.Rosa PNP kag Sebaste PNP, subong man sang Provincial Intelligence Team of Antique Police Provincial Office.
Gin asikaso na sang Sta. Rosa ang pagpabalik kay Belario sa probinsya sang Antique, agud atubangon ang mga kaso batuk sa iya.
