BACOLOD CITY– May panugyan si Police Captain Judesses Catalogo, Public Information Officer sang Negros Occidental Police Provincial Office nga nakahanda na ang kapulisan sang probinsya para sa palaabuton nga semana santa sa masunod nga semana.
Dugang pa ni PCAPT. Catalogo nga ang baseline sang ila preparasyon kapareho lamang sang ila ginhimo sang tinalikdan nga tuig apang ginalauman nila nga magadamo ang mga turista kag mga pumuluyo nga magguwa ilabi na nga ginatugutan na ang mga marcha, prosisyon , kag mga senakulo.
Pahayag pa ni Catalogo nga doblehon sang NOCPPO ang kapulisan nga ila ideploy sa semana santa sa mga lugar sang terminal, plaza, simbahan kag mga duog kun diin pagahiwaton ang mga senakulo.
Panugyan naman niya sa publiko nga mangin alerto sa mga posible nga sunog kag aksidente nga matabo sa semana santa, ilabi na nga madamo ang nagaplano nga magkadto sa mga baybay.*
