Padayon sa karon ang pagmonitor sang kapulisan agud mapabilin nga matawhay ang 9 ka private kag 4 ka public cemetery sandig sa Executive Order No. 61 nga ginpirmahan ni Mayor Evelio Leonardia nga nagamandu sang temporaryo nga pagsirado sang mga patyo, memorial parks kag columbaria humalin Nobyembre 1 tubtob 4,2020.
Suno kay PLt. Col. Ariel Pico sa exclusive interview sang Radyo Bandera nga wala pa man sang na file-an sang kaso ukon may mga nagaguwa nga bayolente nga reaksyon angot sa nasambit nga mandu sang syudad.
Ginpaathag man ni PLt. Col. Pico nga matapos ang Nobyembre 4 pwede na makasulod ang mga manug bisita sa patyo.
Apang, subong nga adlaw, padayon sa gyapon ang pagdumili sa mga manugsindi kag mga bisita magluwas lang kong may inuglubong.