Sa ginpatigayon nga virtual press conference subong nga hapon ginpamangkot ang Sanguniang Panlingsod kung ngaa NFA-Rice ang ginapanghatag sa mga relief operation sa ciudad sa tunga sang pandemic, kung may yara ma lang sang P15-milyon nga budget para diri.
Sa pahayag sang mga opisyales mahimu gid lamang magbakal sang indi NFA nga bugas para sa relief operation kung wala na sang stock ang nasambitan nga ahensya.
Kag nagakadapat nga may yara sang certificate halin sa NFA nga nagapabalo nga kulang na ang stocks sang mga ini, kag amo lang ina ang tion nga makabakal sang indi NFA nga bugas ang ciudad para sa relief operation.
Dugang pa nga mandu halin sa ibabaw angnasambitan nga proseso, nahibaloan man nga ang NFA nga bugas ang nagabalor gid lamang sang P1,250 kada sako.
Sa exclusive interview naman sang Radyo Bandera sa pamunuan sang NFA-Negros gin hambal sini nga wala ini sila naga hatag sang NFA-bugas sa market subong para ibaligya bangod naka partinisar ini sa pandemya kon sa diin gina bakal sang mga local government units ukon LGU’s.
