Bacolod City, Negros Occidental-Sa live interview sang Radyo Bandera Sweet FM Bacolod 103.9 kay Councilor, Atty. Dindo Ramos ang author sang nasambit nga ordinansa angut sa paghatag sang bulig sa mga real property taxpayers.
Ang ordinansa ang may titulo, “Proposed Ordinance Granting Tax Relief To Deliquent Real Property Taxpayers in the City Bacolod Through the Condonation of Penalties, Interest and Surcharges Imposed Therein and Providing Mechanisms Thereof for It’s Proper Implementation”.
Katuyuan sang ordinansa amo ang paghatag oportunidad nga mahatagan sang tax relief ang mga pumuluyo bangod sa gina-atubang sa karon nga pandemya.
Madamo sang mga real property tax payer nga nagapanag-iya sang duta ang wala nakabayad bangod sa pandemya.
Sa karon, kong mapirmahan na ni Mayor Bing Leonardia kag mangin pinal na, ang mga real property tax payer ang magabayad lang sang basic nga tax nga wala na sang interes, charges, ukon penalty sugod Setyembre 30 tubtob Disyembre 31.
Apang, sa iban naman nga indi pa makabayad tubtob Diyembre 31, pwede pa makahingagaw sa bulan sang Enero tubtob March kag may 60% lang nga interes.
