Nagdangat sa P3.4 milyon nga balor sang ginasuspetsuhan shabu ang nakumpiskar sang mga tinaho sang Philippine Drug Enforcement Agency (PDEA) sa ginpatigayon nga buy-bust operation sa Quezon City sang Sabado, Nobyembre 12.
Suno sa PDEA, gindakup ang isa ka 38-anyos nga lalaki sa ginpatigayon nga operasyon sa North Avenue matapos nakuhaan sang 500 gramos sang ginasuspetsuhan droga.
Nakuha man sa suspek ang buy-bust money kag ang iya nga identification card.
Magapangatubang ang suspek sa kaso nga paglapas sa Comprehensive Dangerous Drug Act of 2002.
via ABS-CBN