Ginpalayag ni Diego Malacad, Chairman sang UNDOC nga ila gin criticize kag nag-submit sila sang complain sa National Government angut sa service contracting sa diin, makabaton sang financial aid ang mga drivers sa bilog nga Pilipinas lakip na ang Bacolod City halin sa LTFRB sang P10,000.
Apang, gindeklarar sang DOJ nga iligal ini kag ginpauntat sadtong Hulyo 1 bangud wala ini nag-agi sa intsakto nga proseso.
Gindugang pa ni Malacad nga nag-hayu sila base man sa central office sa diin, nag-estoryahanay nga mag-submit sila sang kontrata kag ginhimuan sang Regional Director sa Western Visayas sang partikular nga charter nga may oath of undertaking nga hatagan sila sang P4,000 nga initial apang kinahanglan sila nga magpirma kag e-surrender ang mga dukomento.
“Ang P4,000 ihatag sa grupo kag ibakal sang cellphone nga touchscreen para ma trace kamo sang LTO kung diin kamo makadto nga lugar kag kung naga out of line kamo, may subject for penalty,” palayag ni Malacad.
Suno pa kay Malacad nga indi amo ang motibo sang LTFRB.
“Amon panawagan ya last May 1 nga mahatag sang ayuda ang LTFRB kag National Government pinaagi sa DBM.”
Nadala ang Bacolod sa mahatagan sang P4,000 pesos apang, bangud man nga nalab-utan sang mandu sang DOJ nga iligal ini, ang iban nga grupo ang wala nakabayad sa ila gin-utang nga cellphone.
Nahibaluan nga kapin sa P57 million ang gin-alokar sa Western Visayas apang 1% lang sang total budget ang nabaton sang mga drivers sa pila ka lugar nga sakop sang Rehiyon-6.
happy listening now dre xa arao relocaion