P58.31 Milyones nga ‘shabu’ shipment halin sa Nigeria, na-intercept sa Manila

Isa ka shipment halin sa Nigeria nga naga-unod sang ginasuspetsuhan shabu ang na-intercept sa San Andres, Manila sang mga katapo sang Bureau of Customs-Ninoy Aquino International Airport (BOC-NAIA), Philippine Drug Enforcement Agency (PDEA), Bureau of Plant Industry (BPI) kag NAIA-Inter-Agency Drug Interdiction Task Group (NAIA IADITG).

Kapin 8.575 ka kilo sang iligal nga druga nga nagabalor P58.31 Milyones ang nakatago sa packages sang assorted na dried spices, suno sa report sang BOC.

Gin-import ang shipment halin sa Nigeria kag gin-deklarar bilang “food stuff.”

Apang, sang gin-check ang mga import documents, nakit-an nga iligal nga gin-import sa pungsod ang mga items nga wala sang nagakaigo nga permits halin sa DA-BPI.*