Samtang nagapadayon ang imbestigasyon sang Lebanon nahanungod sa explosion nga nagluntad sa Beirut, ginapahayag sang pila ka mga opisyal nga posible rason sang pagsigabong ang massive shipment sang agricultural fertilizers nga ginapahayag sang mga otoridad nakatago sa port sang Beirut sang tinuig nga wala sang safety precautions apisar pa sang pila ka paandam sang local officials.
Nagaggwa nga ang shipment sang 2, 750 metric tons sang ammonium nitrate nga nag-abot sa Beirut nga karga sang Russian-owned vessel sang 2013 nga ginatawag nga MV Rhosus ang padulong kuntani sa Mozambique apang nagpundo ini sa Beirut bangud sang financial difficulties.
Ginsiling ni Badri Daher, Director of Customs sang Lebanon, umpisa nga nag-abot ang nasambit nga barko wala na ini naghalin pa sa pier sang Beirut apisar sang liwat-liwat nga paandam nga ang nasambit nga cargo ang equivalent sang “floating bomb”.
“Due to the extreme danger posed by this stored items in unsuitable climate conditions, we reiterate our request to the Port Authorities to re-export the goods immediately to maintain the safety of the port and those working in it,” pahayag ni Daher