Kasunod sang nagahilapit nga selebrasyon sang Masskara Festival sini nga bulan sang Oktubre, amat-amat na nga nagasugod sang pagset-up ukon pagtukod sang mga rides ang carnival sa Bacolod City Government Center.
Apang, Suno naman kay City Administrator Atty. Pacifico Maghari III nga temporaryo sila anay ginpauntat bangud wala pa sila sang business permit.
Dugang pa ni Atty. Maghari nga kinahanglan pa nila sang approval sa Sanguniang Panlungsod kag mahatagan sang business permit agud makasugod sang ila operasyon.
Samtang, suno naman sa isa ka operator sang carnival nga ginahulat na lamang nila ang ila business permit kag tuyo kuntani nila mapatukod ang pila ka mga rides bangud madugay ini nga proseso kag kinahanglan pa ini usisaon para masiguro ang ‘safety’ sang mga pumuluyo.
Madumduman nga magasugod sa bulan sang Oktubre ang selebrasyon sang Masskara sa Bacolod kag pila lamang ang mga carnival sa mga atraksyon sang nasambit nga kapyestahan.*