Daw gin-agyan sang delubyo ang isa ka pamilya nga nagatinir sa isa ka barangay sa sulod sang Malacañang complex makaligad nga magpositibo sa COVID-19 ang mga ini.
Kalakip sa mga gin-igo ang mag-asawa nga pulis kag manunudlo, senior citizen nga iloy kag dowa ka bata.
Gindala na sa hospital ang bilog nga pamilya kahapon nga adlaw matapos maguwa ang resulta sang ila COVID test.
Ang pulis ang isa ka frontliner apang indi pa matumod kung ini ang carrier sang virus.
Malimit man nga nagapanindahan ang asawa nga manunudlo nga ginapatihan posible nakuha sa tindahan ang virus.
Nagpatigayon na sang contact tracing ang mga opisyal sang barangay para mahibaluan nag mga nakasalamuha sang magpamilya sa ila barangay.