Nagapangayo sang proteksyon sa otoridad ang pamilya ni Dr. Chao-Tiao Yumol, ang suspek sa Ateneo shooting matapos ang pagpatay sa iya amay sa Lamitan City, Basilan sang Biyernes sang aga.
Nagapangayo sang bulig ang iloy ni Yumol nga si Muykim kay Pangulong Bongbong Marcos bangud sa pamahog sa ila kabuhi.
May yara pa sang balita nga ginapahalong ang pamilya ni Yumol bangud isa-isahon sila base sa pahayag sang iloy ni Yumol.
“Sana matulungan kami ni Presidente Bongbong Marcos, nasa panganib na ang buhay namin. President, maawa po kayo sa amin. Nasa threat ho ang buhay naming lahat,” pahayag sang iloy ni Yumol.
Suno kay Muykim, luyag niya magbalik sa Basila bangud wala sang naga-asikaso sa iya bana nga ginpatay.
Gindugang pa ni Muykim nga madamo sang naga-abiso sa ila nga maghalong.
“Gusto ko bumalik doon sa asawa ko. Yung tao lang ho namin ang nag-aasikaso wala ho kaming ibang ano (pamilya) roon. Pati yung mga tao namin natatakot na rin, yung mga tao namin hindi namin kadugo,” pahayag ni Muykim.
Matandaan nga ginluthang-patay sang riding-in-tandem ang amay ni Yumol nga si Rolando Yumol sa atubang sang ila balay sa Lamitan City.
Ang pagpang-luthang ang nagluntad anum ka adlaw matapos ang Ateneo shooting nga ginkapatay sang tatlo ka persona nga ginalakipan sang anay alkalde sang Lamita nga si Rosita Furigay, kag duwa ka iban pa.
