Patay bangud sa paglaslas ni “Paeng”, nagdangat na sa 110

Nagdangat na sa 110 ang kabilugan sang napatay bangud sa paglaslas ni Bagyong Paeng, suno sa National Disaster Risk Reduction and Management Council (NDRRMC) sini nga Martes, Nobyembre 1.

Kalabanan sa mga narecord nga napatay amo ang naghalin sa Bangsamoro Autonomous Region in Muslim Mindanao (BARMM).

Samtang, nagdangat sa 63 ang kabilugan sang mga nasamaran kag 23 naman ang narecord nga missing sa gihapon.

Yara naman sa P760 milyon ang kantidad sang kahalitan nga ginbilin ni bagyong Paeng sa mga imprastraktura sa pungsod.

Nakaguwa na sa Philippine Area of Responsibility (PAR) si Paeng sadtong Lunes, Oktubre 31.

via Publiko