Ginaid-id sa karon ang inbestigasyon sa isa ka “person
of interest” (POI) sa tuyo nga paghimulos kga pagpatay sa isa ka
16 anyos nga dalagita nga si Romelyn Depatillo
sa Prk. Balod, Brgy. Mabini, Cadiz City.
Ini ang ginpahayag ni PLt. Col. Robert Mansueto, hepe sang
Cadiz City PNP sa interview sang Radyo Bandera.
Suno kay Mansueto nga may yara sila mabakod nga mga
“circumstancial evidences” nga natipon nga nagatudlo sa ila
“person of interest” nga ginalakipan sang mga testimonya sang
mga testigo kag witnesses nga naghatag sang description sang amu
nga tawo.
Gindugang pa ni Manuseto nga ang mga circumstancia nga ginalakipan
sang presencia sang POI antes matabu kag pagkatapus nga kremin.
Narecover man ang isa ka face mask sa crime scene nga “familiar”
sa tanan.
Nagpanawagan naman si Mansueto sa tanan nga may ihibalo sa kaso
nga gilayon magpakig-angut sa kapulisa agud mas mapadasig ang pag-
solbar sang kremin.
Kon madumduman nga nakita ang biktima nga duguan padasado alas 12
udto Agosto 1 sa amu nga lugar apang nakasinggit pa ini sang tabang
antes nabun-an kag napatay.
