PHILIPPINES – Ginkilala ang Pilipinas bilang ika-anum nga pungsod nga may mabaskog nga impluwensiya sa China sa bug-os nga kalibutan, suno sa China Index Website.
Sandig sa ranking sang China Index, nakakuha ang Pilipinas sang puntos nga 204 kag nangin ika-anom sa 36 nga pungsod kun sa diin may mabaskog nga impluwensiya sa China.
Nagpanguna naman sa listahan ang Cambodia, Singapore, Thailand, Peru kag Kyrgyzstan.
Ang China ang may pinakamabaskog nga impluwensiya sa Pilipinas, partikular sa lokal nga politika nga may 69.4 porsyento, pagpatuman sang layi nga may 68.2 porysento kag sa teknolohiya nga may 65.9 porysento.
Sa iban naman nga domain, ang China ang ikaduha nga may mabaskog nga impluwensiya sa Pilipinas, partikular sa media nga may 60 porsyento, academia nga may 40 porsyento, ekonomiya nga may 63.6 porsyento, katilingban nga may 27.3 porsyento, military nga may 45.5 porsyento kag foreign policy nga may 45.5 porsyento.
Sa isa ka artikulo sa Independent News Service nga “China’s Relentless Effort To Expand Influence In Southeast Asia,” ginsiling nga ang eleksyon sa Pilipinas sadtong Mayo 2022 ang isa ka oportunidad para sa Tsina nga pabaskugon ang posisyon sini sa Southeast Asia.
